նախընտրելի դարձնել
Արտակարգ իրավիճակների նախարարությունը տեղեկացնում է, որ ՀՀ տարածքում կան դժվարանցանելի ավտոճանապարհներ։ Այս մասին հայտնում են ԱԻՆ-ից։
Արագածոտնի մարզի Ամբերդ ամրոց եւ Քարի լիճ տանող ավտոճանապարհները դժվարանցանելի են։
Վարդենյաց լեռնանցքում (կցորդիչով ավտոմեքենաների համար դժվարանցանելի է), Շիրակի մարզում եւ Սյունիքի մարզի Սիսիան-«Զանգեր» ավտոճանապարհին տեղ-տեղ առկա է մերկասառույց։
Շիրակի մարզի Աշոցքի եւ Ամասիայի, Արագածոտնի մարզի Արագածի, Ապարանի եւ Թալինի տարածաշրջաններում, Կոտայքի մարզի Չարենցավան, Տավուշի մարզի Իջեւան, Բերդ, Գեղարքունիքի մարզի Ճամբարակ եւ Վայոց ձորի մարզի Ջերմուկ քաղաքներում տեղում է ձյուն։
Երեւան-Սեւան ավտոճանապարհի 27-ից 37-րդ կմ-ն ընկած հատվածում մառախուղ է։
