նախընտրելի դարձնել
Իսրայելի ֆինանսների նախարար Բեցալել Սմոտրիչը մերժել է Բայդենի վարչակազմի կոչերը՝ ազատել Պաղեստինի ինքնավարությանը պատկանող հարկային եկամուտները, գրում է Haaretz-ը։
«Ես լսել եմ, որ կան մարդիկ, ովքեր կարծում են, որ մինչ մեր հերոս զինվորներն ու հրամանատարները զոհաբերում են իրենց կյանքը հայրենիքը պաշտպանելու համար, մենք պետք է գումար հանձնենք Հրեաստանում և Սամարիայում գտնվող այս նողկալի թշնամուն», - գրել է Սմոտրիչը Twitter-ում՝ կցելով հոդվածը, որով հղում է անում Պաղեստինի նախագահ Մահմուդ Աբասի այն հայտարարությանը, որ «պաղեստինցի ժողովուրդը սպիտակ դրոշ չի ծածանի»։
«Մենք չենք կրկնի այն սխալներն ու ենթադրությունները, որոնց համար թանկ ենք վճարել»,- հավելել է Սմոտրիչը։
Ֆինանսների նախարարը նախկինում կոչ է արել լուծարել Պաղեստինի ինքնավարությունը: Անցած տարիներին նա ՀԱՄԱՍ-ին համարել էր ակտիվ՝ ՊԻ-ի համեմատությամբ, որին նա համարում էր թույլ՝ դիվանագիտական բանակցություններ վարելու նպատակով Իսրայելի վրա ճնշում գործադրելու համար:
Սմոտրիչը երկուշաբթի հայտարարել էր, որ հանձնարարել է նախարարությանը դադարեցնել միջոցների փոխանցումը Պաղեստինի ինքնավարությանը։
Այս միջոցները մաս են կազմում մաքսատուրքերի, որոնք Իսրայելը գանձում է Պաղեստինի ինքնավարության անունից:
