նախընտրելի դարձնելՀայաստանի Դատական ակտերի հարկադիր կատարման ծառայությունում ատեստավորվել են 105 հարկադիր կատարողներ. 27 հարկադիր կատարող չի համապատասխանել ատեստավորման պահանջվող չափանիշներին, ինչի արդյունքում ենթակա է կրկնակի ատեստավորման նոր վերապատրաստում անցնելուց հետո:
ԴԱՀԿ մամուլի ծառայությունից NEWS.am-ին հայտնում են, որ այս տարի հարկադիր կատարողների շարքում ավելացել է իգական սեռի ներկայացուցիչների թիվը: Հայաստանի գլխավոր հարկադիր կատարող Միհրան Պողոսյանի խոսքով` միջազգային փորձը ցույց է տալիս, որ ԴԱՀԿ ծառայության աշխատանքներին կին հարկադիր կատարողների մասնակցությունն ամրապնդում է կարգապահությունը եւ բարձրացնում արդյունավետությունը:
ԴԱՀԿ ծառայության ղեկավարն առանձնահատուկ ուշադրություն է դարձրել Ալիմենտի բռնագանձման բաժնի գործունեությանը, հաշվի առնելով, որ հատկապես ալիմենտ ստացող ծնողների երեխաները ավելի մեծ ուշադրության ու հոգատարության կարիքն ունեն:
Նշենք, որ ատեստավորումն իրականացվում է «Դատական ակտերի հարկադիր կատարումն ապահովող ծառայության մասին» օրենքով, համաձայն որի` յուրաքանչյուր տարի հարկադիր կատարողների առնավազն մեկ երրորդը ենթակա է պարտադիր ատեստավորման:
