Բրիտանական Մանչեսթերի օդանավակայանից թռիչքները չեղարկվել և լրջորեն հետաձգվել են կիրակի օրը այն բանից հետո, երբ շրջանում էլեկտրաէներգիայի անջատումը համատարած խափանումներ է առաջացրել, հայտնել է օդանավակայանի ներկայացուցիչը:

Սպասվում է, որ զգալի թվով չվերթեր, հատկապես 1-ին և 2-րդ տերմինալներից, կհետաձգվեն կամ կչեղարկվեն, ասել է օդանավակայանի ներկայացուցիչը: Խափանումների մասին առաջինը տեղեկացրել է Sky News-ը, որը հայտնել է, որ էլեկտրամատակարարման խնդիրները ազդել են օդանավակայանի և մի շարք այլ շենքերի վրա։ Օդանավակայանի հաղորդման մեջ ասվում է, որ էլեկտրամատակարարումը վերականգնվել է, սակայն դա ծառայությունների աշխատանքի վրա կանդրադառնա օրվա ընթացքում:

«1-ին կամ 2-րդ տերմինալներից մեկնող ուղևորներին խորհուրդ է տրվում դիմել իրենց ավիաընկերություններին մինչև օդանավակայան հասնելը: Տերմինալ 3-ից մեկնող ուղևորները պետք է սովորականի պես ժամանեն օդանավակայան, եթե  իրենց ավիաընկերությունն այլ բան չի հայտարարել, բայց դա կարող է ազդել ուշացումների վրա», - ասել է օդանավակայանի ներկայացուցիչը։