նախընտրելի դարձնել
Շվեյցարիայի Տիչինո կանտոնի Մաջի հովտում տեղի ունեցած սողանքից հետո Շվեյցարիայի օդային փրկարար ծառայության փրկարարները կիրակի օրը հայտնաբերել են երկու մարդու դի: Մեկ մարդ դեռ անհետ կորած է համարվում, հայտնում է Swissinfo-ն։
Շաբաթ երեկոյան և ողջ գիշեր Մաջի հովտում սաստիկ ամպրոպներ են մոլեգնել: Ոստիկանության տվյալներով, Տիչինոյի Վիսլետո քաղաքում կամրջի փլուզման պատճառով փակվել է Մաջի հովտով անցնող ճանապարհը։
Տարհանվել են նաև Մաջի հովտի երկայնքով տեղակայված քեմփինգները և Մոգնոյում գտնվող ամառային ճամբարը:
Շվեյցարիայի նախագահ Վիոլա Ամհերդն իր ցավակցությունն է հայտնել մարդկանց զոհվելու կապակցությամբ։
Նա բնակիչներին հորդորել է զգույշ լինել։
«Իրավիճակը շարունակում է լարված մնալ։ Խնդրում եմ զգույշ լինել և հետևել իշխանությունների ցուցումներին»,- նշել է երկրի նախագահը։
