նախընտրելի դարձնել
Առնվազն 70 մարդ վիրավորվել է, և մեկ մարդ մահացել է եղանակային պայմանների պատճառով, որոնք առաջացել են «Կրատոն» թայֆունի մոտենալու հետևանքով. հազարավոր բնակիչներ, ինչպես ցածրադիր վայրերում, այնպես էլ բարձրադիր վայրերում, տարհանվել են, հայտնում է Associated Press-ը՝ վկայակոչելով Թայվանի հրշեջ վարչությանը:
Արևելյան Հուալիեն քաղաքում ծառի ճյուղերը էտելիս սանդուղքից մի տարեց տղամարդ է ընկնել և մահացել: Երկու մարդ էլ անհայտ կորել են։
Կենտրոնական օդերևութաբանական վարչության տվյալներով՝ թայֆունը, որի ժամանակ առավելագույն կայուն քամու արագությունը կկազմի 173 կմ/ժ, իսկ սաստկանալիս՝ 209 կմ/ժ, ակնկալվում է, որ հինգշաբթի վաղ առավոտյան կհարվածի Թայվանի խիտ բնակեցված արևմտյան ափին: Թայֆունները հազվադեպ են հարվածում Թայվանի արևմտյան ափին՝ փոխարենը ազդելով կղզու լեռնային արևելյան հատվածի վրա:
Ափամերձ Թայդունգ շրջանում վերջին չորս օրվա ընթացքում տեղացել է առնվազն 128 սանտիմետր տեղումներ, իսկ խոշոր նավահանգստային Գաոսյուն քաղաքում՝ թայֆունից առաջ՝ 43 սանտիմետր տեղումներ:
