Երկու տղաներ՝ 12 և 13 տարեկան, շաբաթ օրը ձերբակալվել են Նյու Յորքի նախկին նահանգապետ Դեվիդ Պատերսոնի և նրա խորթ որդի Էնթոնի Սլիվայի վրա հարձակման պատճառով, հաղորդում է Associated Press-ը:

70-ամյա Պատերսոնը և նրա խորթ որդի 20-ամյա Էնթոնի Սլիվան հարձակման են ենթարկվել ուրբաթ տեղական ժամանակով երեկոյան ժամը 20:30-ի սահմաններում, երբ նրանք զբոսնում էին Մանհեթենի Վերին Իսթ Սայդով: Նրանք դեմքի թեթև վնասվածքներով տեղափոխվել են հիվանդանոց։

Պատերսոնը, որը կույր է, նույնպես վնասվածքներ է ստացել։

Երկու տղաներին էլ մեղադրանք է առաջադրվել խմբակային հարձակման համար: Ոստիկանությունը նրանց անունները չի հրապարակում, քանի որ նրանք անչափահաս են։ Իշխանությունները հայտնել են, որ հարձակմանը մասնակցել է առնվազն հինգ մարդ: Նրանք դիմել են հանրության օգնությանը՝ հարձակման մասին ավելին իմանալու համար:

Պատերսոնը շաբաթ օրն ասել է, որ իր խորթ որդին   շանը դուրս էր տարել, երբ առաջին անգամ հանդիպել է հարձակվողներից մի քանիսին, ասելով, որ ոստիկանություն կկանչի, եթե նրանք չդադարեն մագլցել Երկրորդ ավենյուի շենքի հրշեջ սանդուղքով:

Ավելի ուշ, Պատերսոնը պատմել է, որ ինքը և Սլիվան գնացել են զբոսնելու, հանդիպել խմբին և վեճի բռնվել նրանց հետ, իսկ նրանցից երկուսը հարձակվել են Պատերսոնի և նրա խորթ որդու վրա:

Պատերսոնն ասել է, որ իր խորթ որդին կռվել է մի քանի հարձակվողների դեմ, բայց արդյունքում դեմքի կտրվածք է ստացել, որը մի քանի կար է պահանջում:

Պատերսոնը զբաղեցրել է  նահանգապետի պաշտոնը 2008-ից 2011 թվականներին։ նախորդ նահանգապետ Էլիոթ Սփիցերի՝ մարմնավաճառության հետ կապված սկանդալային հրաժարականից հետո: