նախընտրելի դարձնել
Վաճառքի է հանվել Անտուան դը Սենտ-Էքզյուպերիի «Փոքրիկ Իշխանը» վեպի հազվագյուտ մեքենագրված պատճենը հեղինակի բազմաթիվ ձեռագիր ուղղումներով, գրում է բրիտանական The Guardian-ը։
Սա միայն երեք հայտնի օրինակներից մեկն է, և առաջին անգամն է, որ դասական ստեղծագործության մեքենագրությունը դրվում է հանրային վաճառքի: Հենց այս ձեռագրում ենթադրվում է, որ առաջին անգամ գրավոր հայտնվել են հայտնի տողերը՝ «Չեմ ուզում, որ որևէ մեկն ինձ փրկի», «Միայն սիրտն է սրատես: Ամենակարևորն աչքով չես տեսնի»:
Մեքենագիր տեքստի արժեքը 1,25 միլիոն դոլար է։ Այն կցուցադրվի Աբու Դաբիում նոյեմբերի վերջին անցկացվելիք արվեստի ամենամյա տոնավաճառում։
Գրքին ուղեկցում են արքայազնի երկու բնօրինակ մատիտի ուրվանկար, ներառյալ գրքի վերջնական նկարազարդման նախնական ձևավորումը, որտեղ պատկերված է արքայազնի վերադարձը տուն և չեկ, որն անձամբ ստորագրել է Սենտ-Էքզյուպերին:
«Փոքրիկ իշխանը» լույս է տեսել ԱՄՆ-ում 1943 թվականին ֆրանսերեն և անգլերեն, իսկ Ֆրանսիայում՝ 1946 թվականին։
Կրոնական տեքստերից հետո այս վեպն աշխարհի ամենաշատ թարգմանված գիրքն է։ Սենտ-Էքզյուպերին այն գրել է Նյութեր Յորքում, վտարանդիության օրերին, երբ փախել էր նացիստների կողմից օկուպացված Ֆրանսիայից:
