Լեհաստանի հյուսիսի քոլեջի ուսանողները տոնել են Սուրբ Ծննդյան գիշերը՝ ցուցադրելով սվաստիկայի ձևով կոճապղպեղի թխվածքաբլիթներ և Սուրբ Ծննդյան երգերի փոխարեն նացիստական ​​երգեր երգելով: Այս մասին հայտնում է Gazeta Wyborcza թերթը։

Ըստ թերթի՝ դեպքը տեղի է ունեցել դեկտեմբերի 20-ին Կույավա-Պոմերանյան վոյեվոդության Ինովրոցլավ քաղաքի 1-ին մակարդակի արհեստագործական ուսումնարանում։ Տոնական դասի ժամանակ դասարաններից մեկի աշակերտները պայթեցրել են ճայթրուկները, ցուցադրել սվաստիկայի ձևով կոճապղպեղի թխվածքաբլիթներ, որոնք հավանաբար թխվել են դասի ժամանակ, երգել են նացիստական ​​երգեր և օգտագործել նաև նացիստական ​​ողջույնը: Միջադեպը նկարահանվել և հրապարակվել է սոցիալական ցանցերում, նշում է հրատարակությունը։

Ուսումնական հաստատությունից, ի պատասխան դեպքի, հայտնել են, որ դրան մասնակցած աշակերտների նկատմամբ համապատասխան միջոցներ են ձեռնարկվել, միջոցառումից տեսանյութեր են ուղարկվել ոստիկանություն։

Լեհաստանի օրենսդրության համաձայն՝ նացիզմի քարոզչությունը կարող է պատժվել մինչև երեք տարվա ազատազրկմամբ։