Աշխարհի ամենամեծ այսբերգը, որը երեք անգամ մեծ է Նյու Յորքից, կարող է շարժվել դեպի հեռավոր կղզի, որտեղ, ինչպես զգուշացնում են գիտնականները, այն կարող է խաթարել պինգվինների և փոկերի ձագերի կերակրմանը:

Հսկայական սառցաբեկորը Անտարկտիդայից դանդաղորեն շարժվում է դեպի Հարավային Ջորջիայի հետ պոտենցիալ բախման, որը վայրի կենդանիների կարևորագույն բուծման վայր է Հարավային Ատլանտիկայում:

Արբանյակային պատկերները ցույց են տվել, որ, ի տարբերություն նախորդ «մեգաբերգների», այս «շրջմոլիկ»-ն ավելի փոքր մասերի չի բաժանվել, երբ ճանապարհ է անցել Հարավային օվկիանոսով։ Այս մասին AFP-ին ասել է Բրիտանական անտարկտիկական ծառայության ֆիզիկական օվկիանոսագետ Էնդրյու Մեյջերսը:

Փորձագետի խոսքով՝ դժվար է կանխատեսել դրա ճշգրիտ ընթացքը, սակայն գերակշռող հոսանքները հուշում են, որ այսբերգը երկու-չորս շաբաթվա ընթացքում կհասնի Հարավային Ջորջիայի շուրջ ծանծաղ մայրցամաքային շելեֆին: Բայց թե ինչ կարող է լինել հետո, կարող ենք միայն  ենթադրել:

Այն կարող է սահել մայրցամաքային շելֆի կողքով և հայտնվել բաց ջրերում՝ Հարավային Ջորջիայի սահմաններից դուրս՝ բրիտանական անդրծովյան տարածք, որը գտնվում է Ֆոլկլենդյան կղզիներից մոտ 870 մղոն դեպի արևելք: Կամ այն կարող է հարվածել ծանծաղ հատակին և ամիսներով խրվել կամ մասերի բաժանվել:

Մեյջերսը նշել է, որ նման սցենարը կարող է լրջորեն խանգարել փոկերին և պինգվիններին, որոնք փորձում են կերակրել և մեծացնել իրենց ձագերին կղզում:

Կղզում ապրում են 1,3 միլիոն զույգ անտարկտիկական պինգվիններ՝ աշխարհի ամենամեծ համայնքներից մեկը, մոտ 5 միլիոն փոկեր և 65 միլիոն բնադրող թռչուններ:

Աշխարհի ամենամեծ և ամենահին այսբերգը, որը հայտնի է որպես A 23a, ունի մոտ 1550 քառակուսի մղոն տրամագիծ և պոկվել է Անտարկտիդայի շելֆից 1986 թվականին:

2023 թվականին Բրիտանական անտարկտիկական ծառայությունը հրապարակել է արբանյակային պատկերներ, որոնցում տեսանելի է այսբերգների տեղաշարժը: