նախընտրելի դարձնել
ԱՄՆ գլխավոր դատախազ Փեմ Բոնդին կձեւավորի աշխատանքային խումբ՝ ամերիկացիների զենքի իրավունքը սահմանափակելու ջանքերի դեմ պայքարելու համար: Այս մասին հայտնել է Reuters-ը՝ հղում կատարելով ներքին ծառայողական գրությանը։
Բոնդին կաջակցի արդարադատության նախարարության՝ երկրի սահմանադրության երկրորդ ուղղումը կիրառելու ջանքերին, որը երաշխավորում է զենք պահելու եւ կրելու իրավունքը: Մասնավորապես, գերատեսչության պաշտոնյաները նախատեսում են դատական հայցեր կիրառել ԱՄՆ առանձին նահանգներում որոշակի կանոնակարգերի եւ գործելակերպի դեմ, որոնք ձգտում են սահմանափակել հրազենի շրջանառությունը: Արդարադատության նախարարությունը կաշխատի նաեւ բարելավել պետական քաղաքականությունը՝ զենք ունեցողների համար երաշխիքների ուժեղացման առումով։
The Washington Post թերթն ավելի վաղ հայտնել էր, որ Բոնդին ծրագրում է հասնել զենքի վաճառքի եւ այն ունենալու մի շարք սահմանափակումների չեղարկմանը, որոնք ներդրվել էին նախագահ Ջո Բայդենի օրոք: Խոսքը, մասնավորապես, վերաբերում է զենքի խանութների լիցենզիան ուժը կորցրած ճանաչելու պրակտիկայի վերացմանն այն դեպքերում, եթե նրանք կեղծել են հաշվետվողականության որոշակի ցուցանիշներ կամ վաճառել զենք՝ առանց գնորդների անհրաժեշտ նախնական ստուգումների։
