նախընտրելի դարձնել
Գերմանիայի կանցլեր Ֆրիդրիխ Մերցը քննադատել է ԱՄՆ պետքարտուղար Մարկո Ռուբիոյին, որն ավելի վաղ մեկնաբանել էր Գերմանիայի Սահմանադրության պաշտպանության դաշնային գրասենյակի որոշումը՝ «Այլընտրանք Գերմանիայի համար» (ԱԳհ) կուսակցությունը ճանաչել որպես աջ ծայրահեղական կազմակերպություն՝ այն անվանելով «քողարկված բռնակալություն»։
«Դրանք անհեթեթ մեկնաբանություններ են Գերմանիայի մասին: Ես միշտ զգացել եմ, որ ԱՄՆ-ում հեշտությամբ կարող են տարբերակել ծայրահեղական կուսակցությունները կենտրոնամետ կուսակցություններից: Ընդհանրապես, ես չեմ խառնվել ամերիկյան քաղաքականությանը եւ նախապատվություն չեմ տվել այս կամ այն թեկնածուին [2024թ. ԱՄՆ ընտրություններում նախագահի պաշտոնի համար]: Նրանք քաղաքական կենտրոնի թեկնածուներ էին, համենայն դեպս, քաղաքական կուսակցությունների մասով։ «Ես կոչ կանեի ամերիկյան կառավարությանը թույլ տալ, որ Գերմանիայի ներքին քաղաքականությունը մնա իր ներքին քաղաքականությունը եւ զերծ մնա նման քաղաքական մեկնաբանություններից»,- ասել է Մերցը ZDF հեռուստաընկերության հարցազրույցում։ Նա նաեւ հայտնել է ԱՄՆ նախագահ Դոնալդ Թրամփի հետ հեռախոսազրույցի մասին։
«Հինգշաբթի ես հեռախոսազրույց կունենամ Ամերիկայի նախագահի հետ։ Մենք միմյանց անձամբ չենք ճանաչում։ Կհանդիպենք ամենաուշը Հաագայում [հունիսին] ՆԱՏՕ գագաթաժողովում, իսկ գուցե նաեւ ավելի վաղ։ Մենք բաց զրույց կունենանք։ Ես մեր դիրքորոշումը կփոխանցեմ ոչ միայն Գերմանիային, այլեւ Եվրամիությանը։ Մենք, ինչպես եւ եվրոպացիները, առաջարկելու բան ունենք»,- ասել է նա։
