Հյուսիսային Կորեայի իշխանությունները ձերբակալել են նավաշինարանի երեք պաշտոնատար անձի՝ չորեքշաբթի օրը նոր ռազմանավի ջուրն իջեցնելու ժամանակ տեղի ունեցած դժբախտ պատահարի կապակցությամբ, հայտնում է Կորեայի կենտրոնական հեռագրական գործակալությունը (ЦТАК)։

Ջուրն իջեցնելու արարողության ժամանակ 5000 տոննա ջրատարողությամբ էսկադրային ականակրի հատակի մասերը քանդվել են, ինչը նավը հանել է հավասարակշռությունից։

Միջադեպի հետաքննությունը, որը Հյուսիսային Կորեայի առաջնորդ Կիմ Չեն Ընն անվանել է «հանցավոր արարք», շարունակվում է։

Ըստ ЦТАК-ի տեղեկատվության, ձերբակալվել են Չհոնջինի հյուսիսային նավաշինարանի գլխավոր ճարտարագետը, որտեղ կառուցվել է էսկադրային ականակիրը, ինչպես նաև շինարարության ղեկավարը և վարչական կառավարիչը՝ որպես «վթարի համար պատասխանատուներ»։

Թե ինչ պատիժ է սպառնում ձերբակալվածներին, առայժմ հայտնի չէ։