նախընտրելի դարձնել
Բոսնիա և Հերցեգովինայի հյուսիս-արևելքում գտնվող ծերանոցում բռնկված հրդեհի հետևանքով 10 մարդ է զոհվել, 20-ը՝ վիրավորվել, հաղորդում է BBC News-ը։
Հրդեհը սկսվել է երեքշաբթի երեկոյան Տուզլա քաղաքի ծերանոցում՝ բռնկվելով յոթերորդ հարկում, մոտավորապես տեղական ժամանակով ժամը 20:45-ին (19:45 GMT):
Ոստիկանության խոսնակը հայտնել է, որ մոտ 20 մարդ, այդ թվում՝ հրշեջներ, ոստիկաններ, բժշկական աշխատողներ, աշխատակիցներ և տան բնակիչներ, տեղափոխվել է բժշկական կենտրոն՝ բուժման համար: Չնայած հրդեհի պատճառը դեռևս անհայտ է, վարչապետ Ներմին Նիկշիչը այն անվանել է «հսկայական մասշտաբների աղետ»:
«Նախնական տեղեկությունների համաձայն՝ Տուզլայի ծերանոցի 10 բնակիչ մահացել է հրդեհի հետևանքով», - ասել է ոստիկանության խոսնակը:
Պաշտոնյաները հայտարարել են, որ լիարժեք հետաքննություն կանցկացվի, երբ պայմանները անվտանգ դառնան:
