նախընտրելի դարձնել
Հյուսիսային Կորեայի առաջնորդ Կիմ Չեն Ընը այցելել է երկրի հիմնական պաշտպանական գործարաններից մեկը, որտեղ ծանոթացել է նոր ատրճանակի արտադրության գործընթացին։ Այս մասին մարտի 12-ին հայտնել է Կորեայի կենտրոնական լրատվական գործակալությունը (KCNA)։
«Կիմ Չեն Ընը ծանոթացել է գործարանին, որը սկսել է նոր ատրճանակի արտադրությունը՝ համաձայն կուսակցության կենտրոնական ռազմական հանձնաժողովի կողմից հաստատված նախագծային պլանի», - ասվում է հաղորդագրության մեջ։
Կիմ Չեն Ընը որոշել է անձամբ փորձարկել նոր զենքի մարտավարական և տեխնիկական բնութագրերը՝ ուղևորվելով գործարանի հրաձգարան, որտեղ պետության առաջնորդը անցկացրել է թիրախային կրակոցների վարժանքներ։
