նախընտրելի դարձնել
ԱՄՆ զինված ուժերը հայտնաբերել են Իրանի Իսլամական հեղափոխության պահապանների կորպուսի (ԻՀՊԿ) ուժերի կողմից Հորմուզի նեղուցում նոր ծովային ականներիւ տեղադրման դեպքեր, տեղեկացրել է Axios-ը։
Ըստ աղբյուրների՝ սա կարող է ավելի բարդացնել իրավիճակը տարածաշրջանում, որն արդեն լուրջ խափանումներ է գրանցում նավագնացության եւ էներգամատակարարման ոլորտում։
ԱՄՆ-ը պնդում է, որ ուշադիր հետեւում է իրանական ուժերի գործողություններին եւ օգտագործում է ստորջրյա անանձնակազմ սարքեր ականազերծման գործողությունների համար։ ԱՄՆ-ը ավելի վաղ հայտնել էր, որ Իրանի ականների զգալի մասը վնասազերծվել է, բայց նրանք կարծում են, որ Իրանը դեռեւս պաշարներ ունի ափին։
Այս հաղորդագրություններին հակառակ՝ ԱՄՆ նախագահ Դոնալդ Թրամփը, ըստ տեղեկությունների, հրամայել է ուժ կիրառել ցանկացած նավի դեմ, որը կարող է ներգրավված լինել տեղադրման մեջ։
Լրատվամիջոցների տեղեկացմամբ՝ Պենտագոնը կարծում է, որ Հորմուզի նեղուցում ականազերծման հնարավոր գործողությունը կարող է տեւել մոտ վեց ամիս։
