նախընտրելի դարձնելԱթենքում ԵԱՀԿ ԱԳՆԽ նստաշրջանի ընթացքում համանախագահող երկրների եւ Հայաստանի ու Ադրբեջանի արտգործնախարարների հայտարարության իմաստը այն է, որ մինչեւ հիմա համանախագահներն են հայտարարություն արել, իսկ հիմա պատվիրակությունների ղեկավարները՝ արտգործնախարարներն են արել:
Սրա կարգավիճակն ավելի բարձր է: NEWS.am-ի թղթակից հետ զրույցում նման տեսակետ հայտնեց Հայաստանի Ազգային Ժողովի փոխնախագահ Սամվել Նիկոյանը՝ մեկնաբանելով հայտարարությունը: «Խոսքը վերաբերում է հակամարտության կարգավորմանը, Մադրիդյան սկզբունքներին, եւ իհարկե, Հելսինկյան եզրափակիչ դրույթներին, որտեղ հստակ ամրագրվում է ժողովուրդների ինքնորոշման իրավունքը: Եթե մինչ այժմ նման բարձր մակարդակով խոսվում էր տարածքային ամբողջականության մասին, այժմ՝ նաեւ ինքնորոշման սկզբունքի, ինչպես նաեւ ուժի գործադրման անթույլատրելիության սկզբունքի մասին»,- նկատեց Նիկոյանը:
Վերջինս նաեւ հավելեց, թե հայտարարության հեղինակները առաջընթաց են արձանագրել միայն հիմնարար սկզբունքների դրույթների շուրջ ըմբռնման հասնելու մասին. «Որից հետո, եթե գան դրանց շուրջ ընդհանուր ըմբռնումների, նոր կարող է սկսվել բանակցային գործընթացը՝ համաձայնագրի տեսքով, որին պիտի մասնակցի նաեւ Ղարաբաղը»:
Հարցին՝ մտահոգություն չունի՞ արդյոք բանակցային գործըթնացի աննախադեպ ակտիվացումից, Նիկոյանը պատասխանեց. «Դա չէր նշանակում, որ տաս տարվա ընթացքում, երբ մենք դանդաղ էինք գնում, ինչ-որ բարենպաստ բաներ էին գնում մեր օգտին: Խնդիրն արագության մեջ չէ, այլ նրանում, թե հայկական դիվանագիտությունն ինչքան կարող է հարցերը հիմնարար ձեւով դնել, եւ միջազգային հանրությունը ինչքանով կընկալի դա: Այն, որ այժմ խոսում են ազգերի ինքնորոշման սկզբունքի մասին, դա արդեն շատ դրական է»:
