Հայտնի է դարձել Ռոտերդամի թանգարանի գողության մանրամասները: Ընդհանուր առմամբ առեւանգվել է  19-րդ դարի վերջի եւ 20-րդ դարասկզբի նշանավոր նկարիչների յոթ կտավներ:

Ավելի վաղ հաղորդվել էր  Kunsthal թանգարանում տեղի ունեցած գողության մասին, որը տեղի է ունեցել հոկտեմբերի 15-ի լույս 16-ի գիշերը: Նախկինում հաղորդվել էր  Մատիսի, Վան Գոգի ու Պիկասոյի աշխատանքների անհետացման մասին:

Նիդերլանդների ոստիկանության տեղեկատվության համաձայն, հանցագործները առեւանգել են Պիկասոյի «Առլեկինի գլուխը», Անրի Մատիսի  «Ընթերցող աղջիկը», Կլոդ Մոնեի «Վաթեռլոյի կամուրջը», «Չարինգ-Կրոսս կամուրջ», Պոլ Գոգենի «Բաց լուսամուտի մոտ կանգնած կինը» եւ այլ նկարիչների կտավները:

Առեւանգված կտավները պատկանում էին   Triton Foundation մասնավոր կազմակերպությանը, հաղորդում է  «ՌԻԱ Նովոստին»:

Kunsthal թանգարանում այս օրերին ցուցադրվում էին   20-րդ դարի մի շարք նշանավոր նկարիչների` Պաբլո Պիկասոյի, Վինսենթ Վան Գոգի, Մարսել Դլուշանի, Պյոտ Մոնդրիանի աշխատանքները: