«Կուտակային կենսաթոշակների մասին» նոր օրենքը հարակից փոփոխություններով Սահմանադրությանը հակասելու վերաբերյալ Ազգային ժողովի ընդդիմադիր պատգամավորների բողոքը Սահմանադրական դատարանը քննելու է 2015թ.-ի մարտի 31-ին: Այս մասին NEWS.am-ը տեղեկացավ դատարանի կայքից:
Նիստը նշանակված է ժամը 11:00-ին:
Հիշեցնենք, որ կուտակայինի հարցով խորհրդարանական ոչ իշխանական եռյակը՝ ԲՀԿ-ն, ՀՅԴ-ն ու «Ժառանգությունը», Սահմանադրական դատարան են դիմել հոկտեմբերի 3-ին: ՀԱԿ-ը հրաժարվել էր միանալ նախաձեռնությանը: Նշենք, որ Սահմանադրական դատարան դիմելու մասին քառյակը հայտարարել է սեպտեմբերի 9-ին: Լրագրողների հետ զրույցում ՀՅԴ խմբակցության ղեկավար Արմեն Ռուստամյանը հայտնել էր, որ չնայած ՀԱԿ-ն ու «Ժառանգությունը» աննպատակահարմար են համարում ՍԴ դիմելը, այնուամենայնիվ նրանք պատրաստ են միանալ նախաձեռնությանը: