Չինաստանի անհայտ քաղաքացին իր համար հորինել է 244 անձեր, որոնց անունից նա շփվում էր մարդկանց հետ չինական Zhihu.com կայքում, որտեղ այցելուները կարող են պատասխանել հարցերի կամ էլ հարցեր տալ ուրիշներին։
Կայքի ղեկավարությունը վերջերս արգելաբացել էր տղամարդու հաշիվը, քանի որ նա մյուս օգտատերերին մոլորության մեջ էր գցում։ Նշված չէ, արդյոք չինացին իր համար մի քանի պրոֆիլ էր ստեղծել, թե՞ նույն պրոֆիլից է գրել իր բոլոր պատասխանները։
Օգտատերը մասնավորապես ներկայացել է որպես թմրամոլ, որը ութ տարի առաջ հրաժարվել է թմրադեղերից։ Կամ որպես բիզնեսմեն, ոստիկան, ձկնորս, լոտոս աճեցնող ագարակատեր, գյուղական համայնքի ղեկավար կամ լեռնադահուկորդ։
Շատ չինացիներ այդ օգտատիրոջն անվանում են «երկրի ամենահետաքրքիր մարդը» ու հատուկ հետեւում են համացանցում նրա բոլոր հրապարակումներին։
