Մոդել Ռեյչել Ռիքերթը հայց է ներկայացրել Hyundai կոնցեռնի դեմ, որը, աղջկա խոսքով, դաշտանի պատճառով իրեն ազատել է աշխատանքից:
BBC-ի փոխանցմամբ՝ 27-ամյա մոդելը հայտարարել է, որ այս տարվա ապրիլին Նյու Յորքում ավտոշոուի ընթացքում խնդրել է զուգարան գնալ, բայց արգելել են՝ պատճառաբանելով, որ մեծ թվով հաճախորդներ ունեն:
Արդյունքում նա չի կարողացել ժամանակին փոխել միջադիրը, իսկ հետո ստիպված է եղել փոխել ներքնազգեստն ու զուգագուլպաները: Նա այդ մասին հայտնել է իր գործակալին:
Հաջորդ օրը գործակալը զանգահարել է մոդելին եւ հաղորդել, որ Hyundai-ն չի ցանկանում շարունակել նրա հետ համագործակցությունը, «քանի որ դաշտան է ունեցել»:
Մոդելը հայց է ներկայացրել աշխատանքի տեղավորման հավասարության վերահսկման ամերիկյան հանձնաժողով:
