Twitter-ը իր բոլոր 330 մլն օգտատերերին թախանձագին խնդրում է անմիջապես փոխել գաղտնաբառերն այն բանից հտեո, երբ համակարգի սխալը գաղտնաբառերը տեքստի տեսքով է ներկայացրել, հաղորդում է The Verge-ը:
Twitter-ի հետաքննությունը ապացույցներ չի գտել, որ որեւէ խախտում կամ գաղտնաբառերի սխալ օգտագործում է եղել, սակայն ընկերությունը խորհուրդ է տալիս, որ օգտատերերը փոխեն իրենց գաղտնաբառերը:
Twitter-ը պնդում է , որ ինքնուրույն է գտել սխալը եւ հեռացրել է գաղտնաբառերը, ինչպես նաեւ միջոցներ ձեռնարկել համոզվելու համար, որ նման խնդիրներ նորից չեն առաջանա:
