ԱՄՆ Հանրապետական կուսակցությունից նախկին սենատորն Օքլահոմայում կարող է առնվազն 10 տարվա ազատազրկման դատապարտվել՝ կապված երեխաների առեւտրի մեղադրանքների հետ: Այս մասին գրում է AP-ն:
Նշվում է, որ Ռալֆ Շորթլին իրեն մեղավոր է ճանաչել մանկական պոռնոգրաֆիայի տարածման եւ երեխաների առեւտրի մեջ:
36-ամյա նախկին սենատորը ձերբակալվել է 2017 թվականի մարտին, երբ ոստիկանությունը նրան 17-ամյա պատանու հետ հայտնաբերել է Օքլահոմա Սիթիի մոթելներից մեկի համարում:
Գործակալության հաղորդմամբ՝ Շորթլին կարող է ընդհուպ ցմահ ազատազրկման եւ 250.000 դոլարի չափով տուգանքի դատապարտվել:
