Միջազգային բնապահպանական կազմակերպության մասնագետներն օգտվել են ծանոթությունների կայքից, որպեսզի գումար հավաքեն եւ աշխարհում ամենամիայնակ էակի համար զույգ որոնելու նպատակով արշավախումբ ստեղծեն՝ տեղեկացնում է The Daily Express-ը։
Ռոմեոն՝ ջրային գորտի Sehuencas տեսակի վերջին ներկայացուցիչն է, որին գտել են 10 տարի առաջ եւ պահում են Բոլիվիայի Բնական պատմության թանգարանում։ Ծանոթությունների կայքում գիտնականները տեղադրել են Ռոմեոյի նկարը եւ նրա «խոսքերը»․ «Ես հասարակ, ման չեկող տղա եմ։ Երեկոները տանն եմ անցկացնում։ Ինչ վերաբերում է զույգին, ես այնքան էլ պահանջկոտ չեմ։ Ինձ կբավարարի Sehuencas տեսակի ջրային գորտը, ինչպիսին ես եմ։ Հակառակ դեպքում իմ օրերը հաշված են»։
Անձրեւոտ եղանակներին ամիսը երկու անգամ երկու կենսաբաններ եւ մի անասնաբույժ մեկնում են որոնելու Ջուլիետային, ինչպես նաեւ ուսումնասիրում են ջրամբարները, որպեսզի գորտերի հազվագյուտ երկու տեսակ՝ Telmatobius sibiricus եւ Telmatobius edaphonastes էլ գտնեն։