Սաուդյան Արաբիայում ընդունվել է նոր օրենք, որը բացառում է ամուսնալուծությունների դեպքերը առանց կանանց իրազեկելու. այժմ կանայք կծանուցվեն, որ ամուսնալուծվել են տեքստային հաղորդագրությունների միջոցով, հաղորդում է BBC News-ը:
Օրենքն ուժի մեջ է մտել կիրակի: Դատարանը գրավոր կծանուցի կանանց, որ նրանք ամուսնալուծվել են:
Տեղի կին իրավաբանները համարում են, որ այդ օրենքը վերջ կդնի երկրում «գաղտնի» ամուսնալուծություններին. նման դեպքերում տղամարդիկ ամուսնալուծվում են առանց կանանց գիտության:
Այս օրենքի շնորհիվ կանայք կկարողանան պաշտպանել իրենց իրավունքները, տեղյակ կլինեն իրենց ընտանեկան կարգավիճակի մասին եւ կկարողանան հավակնել ալիմենտի:
