Եթե դուք կին եք եւ ցանկանում են տղամարդկանց հետ հավասար ապրել, ապա պետք է բնակարան եւ աշխատանք փնտրեք Բելգիայում, Դանիայում, Ֆրանսիայում, Լատվիայում, Լյուքսեմբուրգում կամ Շվեդիայում, գրում է The Guardian –ը՝ հղում կատարելով Համաշխարհային բանկի զեկույցին, որում նշվում է, որ ընդամենը մի քանի երկրներ են աշխարհում ապահովում հավասար գենդերային աշխատանքային իրավունքներ՝ օրենքով երաշխավորված:
Համաձայն այս շաբաթ հրապարակված զեկույցի՝ հետազոտությունն անցկացվել էր աշխարհի 287 երկրների կտրվածքով: Ընդ որում՝ համաձայն հետազոտության՝ դեռեւս 10 տարի առաջ կանայք եւ տղամարդիկ առհասարակ չունեին հավասար իրավունքներ:
Զեկույցում հաշվի է առնվել 8 դրույթ, որոնք ազդում են կանանց տնտեսական որոշումների վրա՝ տեղաշարժման ազատությունից մինչեւ կենսաթոշակի անցնելը: Բոլոր ուսումնասիրված երկրներից միայն վերոնշյալ 6 պետություններն են ստացել «գերազանց» գնահատականներ բոլոր պարամետրերով:
39 պետություններից առավելագույն եկամտով երկրները թվով 26-ն են: Դրանցից ութը տեղակայված են Եվրոպայում, օրինակ, Մեծ Բրիտանիան, եւս մի քանիսը՝ Կենտրոնական Ասիայում:
Հարավային Ասիան ճանաչվել է որպես կանանց իրավունքների ամենասրընթաց աճով տարածաշրջան, միեւնույն ժամանակ Մերձավոր Արեւելքի եւ Հյուսիսային Աֆրիկայի երկրներում գրանցվել է այդ առումով ամենադանդաղ գործընթացը: