Կոպենհագենի համալսարանի դանիացի հետազոտողները պարզել են, որ զուգընկերոջ մահից հետո այրի կանայք ավելի հաճախ են փոխում իրենց բնակության վայրը, քան այրի տղամարդիկ։ Գիտական աշխատանքը հրապարակվել է Housing Studies-ում։
Հետազոտողներն ուսումնասիրել են 50-ից 90 տարեկան դանիացիների բնակության տվյալները վերջին ավելի քան 25 տարվա ընթացքում: Ինչպես պարզվել է, զուգընկերոջ մահից հետո այրի կանանց 30%-ը հեռանում է իրենց տնից, ինչը 10%-ով ավելի է, քան այն այրի տղամարդկանց թիվը, ովքեր փոխում են իրենց բնակության վայրը: Հետաքրքիր է, որ նշված այրի կանանց մի զգալի մասը տեղափոխվում է ինտերնատներ և պանսիոնատներ (ծերանոցների տարատեսակներ):
Հետազոտողները կարծում են, որ այս անհավասարակշռությունը պայմանավորված է այրի կանանց ոչ կայուն ֆինանսական վիճակով, քանի որ տղամարդիկ, որպես օրենք, ավելի բարձր եկամուտներ ունեն և, հետևաբար, ավելի շատ կենսաթոշակային խնայողություններ:
Բացի այդ, կանանց բնակության վայրի փոփոխությունը տղամարդկանց համեմատ կարող է կապված լինել ավելի ամուր սոցիալական կապերի (գործընկերներ, ընկերներ, բարեկամներ) հետ։