Օգոստոսի 8-ին Երեւանում անցկացվող «ԲՐԻԿՍ-ի եւ ՇՀԿ-ի հետ Հայաստանի եւ ԵԱՏՄ-ի համագործակցության նոր հորիզոններ» միջազգային համաժողովի ժամանակ ստորագրվել են համաձայնագրեր ԲՐԻԿՍ-ի Առեւտրաարդյունաբերական պալատի, Ռուս-ասիական գործարար խորհրդի եւ Շանհայի համագործակցության կազմակերպության մասնակից պետությունների Չինական տեխնոլոգիաների տրանսֆերի կենտրոնի հետ Հայաստանի գործարար միավորումների համագործակցության մասին։

Ստորագրված փաստաթղթերի շրջանակում Երեւանում պաշտոնապես մեկնարկել է «Հայաստան-ԲՐԻԿՍ» գործարար համագործակցության կենտրոնի աշխատանքը, որի գործունեությունն ուղղվելու է կազմակերպության մասնակից երկրների հետ Հայաստանի տնտեսական փոխգործակցությանը։

Հայաստանցի գործարարները հնարավորություն կունենան օգնության համար դիմելու Կենտրոն՝ գտնելու օտարերկրյա գործընկերներ տնտեսական նախագծերի իրականացման նպատակով լրացուցիչ ներդրումների ներգրավման, ԲՐԻԿՍ տարածքում մասշտաբային նախագծերի իրականացման համար։