նախընտրելի դարձնել
Էլեկտրամոբիլները աստիճանաբար սկսում են գերազանցել ներքին այրման շարժիչով ավտոմեքենաներին ոչ միայն դինամիկայի, այլև ընթացքի պաշարի, արդյունավետության և լիցքավորման արագության առումով։
Autocar պարբերականը համեմատել է երեք նոր պրեմիում դասի էլեկտրական քրոսովերներ՝ BMW iX3 50 xDrive, Mercedes-Benz GLC 400 4Matic Electric և Volvo EX60 P10 AWD, և եկել այն եզրակացության, որ մեքենաների նոր սերունդը զգալի առաջընթաց է կատարել։
Բոլոր երեք մոդելները կառուցված են նոր հարթակների վրա, որոնք հատուկ մշակված են էլեկտրամոբիլների համար։ Արտադրողները գնորդներին խոստանում են մեծ ընթացքի պաշար, արագ լիցքավորում, բարձր հզորություն և ավելի ընդարձակ սրահներ։
Թղթի վրա ակնհայտ առաջատարը BMW-ն է։ Նրա 108,7 կՎտ·ժ օգտակար տարողությամբ մարտկոցը ապահովում է հայտարարված 792 կմ ընթացքի պաշար, մինչդեռ Mercedes-ը խոստանում է 637 կմ, իսկ Volvo-ն՝ 649 կմ։
Իրական փորձարկման ընթացքում տարբերությունն ավելի նկատելի է եղել։ BMW-ն ցույց է տվել մոտ 689 կմ հաշվարկային ընթացքի պաշար, Mercedes-ը՝ 570 կմ, իսկ Volvo-ն՝ 517 կմ։ BMW-ն նաև ամենաարդյունավետն է եղել և մյուսներից ավելի արագ է լիցքավորվել։
Mercedes-Benz-ը, չնայած թղթի վրա ավելի համեստ բնութագրերին, գերազանցել է սեփական արդյունավետության ցուցանիշները։ Սակայն նրա մարտկոցն ավելի փոքր է, ընթացքի պաշարը՝ ավելի կարճ, իսկ լիցքավորման արագությունը՝ ավելի ցածր, քան մրցակիցներինը։
Volvo-ն դարձել է միջանկյալ տարբերակ․ նրա 503 ձիաուժ հզորությամբ ուժային համակարգն ապահովում է տպավորիչ դինամիկա, սակայն արդյունավետությունը ցածր է եղել, քան BMW-ի և Mercedes-ի դեպքում։ Մոտ 805 կմ հայտարարված ընթացքի պաշարով EX60 տարբերակը կհայտնվի ավելի ուշ, ուստի համեմատությանը մասնակցել է ավելի մատչելի մոդիֆիկացիան։
Միևնույն ժամանակ ավտոմեքենաները արտաքինից խիստ տարբերվում են։ Բոլոր երեքը պատկանում են քրոսովերների ձևաչափին, սակայն BMW-ն շեշտը դնում է նախորդ տասնամյակների բրենդային դիզայնի վերաիմաստավորման վրա, Mercedes-ը ակտիվորեն օգտագործում է իր դասականի տարրերը, իսկ Volvo-ն առաջարկում է ավելի զուսպ և ակնհայտորեն «էլեկտրական» տեսք։
Սրահում տարբերություններն էլ ավելի նկատելի են։ Mercedes-ը պահպանել է ինտերիերի առավել ավանդական ճարտարապետությունը, թեև այն համալրել է հսկայական 39,1-դյույմանոց էկրանով։ BMW-ն և Volvo-ն գնացել են ավելի ֆուտուրիստական ճանապարհով՝ ֆիզիկական կառավարման օրգանների նվազագույն քանակով։
Հենց այստեղ էլ նոր էլեկտրամոբիլների մոտ հայտնաբերվել են որոշ տարօրինակ լուծումներ։ Բոլոր երեք մեքենաներն ստացել են անսովոր դռան բռնակներ, որոնք կարող են սովորական մեխանիկականների նման հարմար չլինել։ Օրինակ, Volvo-ն ընդհանրապես չունի ավանդական բանալի․ դրա փոխարեն առաջարկվում է օգտագործել սմարթֆոն, քարտ կամ հատուկ կախազարդ։
Փոխարենը Mercedes-ն առաջարկել է իսկապես օգտակար լուծում գտնել․ առջևի բեռնախցիկի կափարիչը բացվում է պարզապես ապրանքանիշի լոգոյի վրա սեղմելով։ GLC-ն նաև ունեցել է ամենատարողունակ առջևի բեռնախցիկը՝ այնքան մեծ, որ այն լիովին կարելի է օգտագործել առօրյա գնումների համար։
Autocar-ի փորձարկման գլխավոր եզրակացությունն այն է, որ էլեկտրամոբիլների նոր սերունդը նկատելիորեն մոտեցել է այն մակարդակին, երբ ներքին այրման շարժիչից հրաժարվելն այլևս պարտադիր չէ, որ լուրջ փոխզիջումներ նշանակի։
Ընդ որում, երեք մոդելներից BMW iX3-ը ակնհայտ առաջատար է դարձել ընթացքի պաշարի, արդյունավետության և լիցքավորման արագության առումով, մինչդեռ Mercedes-ը և Volvo-ն շեշտը դնում են այլ առավելությունների վրա՝ հարմարավետության, դիզայնի և բնավորության։
