նախընտրելի դարձնելԵրեւանում «Փեթակ» տոնավաճառի աշխատակիցներն այսօր` մայիսի 31-ի առավոտից գործադուլ են սկսել. նրանք հավաքվել են տոնավաճառի հարեւանությամբ գտնվող նրբանցքում եւ պահանջում են դադարեցնել փողոցում առեւտրային կրպակների կառուցումը:
Կրպակների շինարարության մոտ փակցված պաստառի վրա կա հեռախոսահամար (51-41-79), սակայն որքան էլ «Փեթակի» առեւտրականներն փորձել են զանգահարել այդ հեռախոսահամարով, պարզելու համար, թե ով է կրպակների շինարարության հեղինակը, պատասխանող չի եղել:
«Փեթակի» առեւտրականները հայտարարում են, որ եթե այդ կրպակները կառուցվեն, իրենք անգործ կմնան, քանի որ մեքենաներն այդ հատվածով են գալիս Փեթակ:
Առեւտրականները վճռական են տրամադրված եւ նշում են, որ գործադուլը կշարունակեն այնքան ժամանակ, մինչեւ քաղաքապետարանից համապատասխան պաշտոնյաներ գան եւ խոստանան, որ տաղավարները չեն կառուցվելու:
