նախընտրելի դարձնել
Ինֆորմացիայի ազատության կենտրոնը հրապարակել է 2012թ. ընթացքում մարդկանց տեղեկատվություն ստանալու իրավունքը խախտած պաշտոնյաների Սեւ ցուցակը, ինչպես նաեւ ԻԱԿ եռամսյակային Սեւ ցուցակներում հայտնվելուց հետո տեղեկատվության ազատության ոլորտում իրենց աշխատանքը վերանայած պաշտոնյաների Սպիտակ ցուցակը:
Կենտրոնի նախագահ Շուշան Դոյդոյանի փոխանցմամբ, Սեւ ցուցակն ունի հետեւյալ տեսքը`
1. Վոլոդյա Խլոյան - Վարդենիսի քաղաքապետ
2. Սամվել Դարբինյան - Վանաձորի քաղաքապետ
3. Սերժ Սարգսյան - Հայաստանի հանրապետական կուսակցության նախագահ
4. Գագիկ Ծառուկյան - Բարգավաճ Հայաստան կուսակցության նախագահ
5. Լեւոն Տեր-Պետրոսյան - «Հայ ազգային կոնգրես» դաշինքի նախագահ
6. Արամ Սարգսյան - Հայաստանի դեմոկրատական կուսակցության նախագահ
7. Վիկտոր Մարտիրոսյան – «Բնապահպանական ծրագրերի իրականացման գրասենյակ» պետական հիմնարկի պետ
8. Սոնա Ղարիբյան – Ֆինանսական վերահսկողության տեսչության պետ
9. Կարեն Թամազյան – Լիցենզավորման գործակալության պետ
10. Կարեն Խտրյան – Իրավական ակտերի փորձաքննության գործակալության պետ
11. Աբրամ Բախչագուլյան – Սննդամթերքի անվտանգության պետական ծառայության պետ
12. Լիլյա Վարդգեսյան – Ստեփան Շահումյանի անվան թիվ 1 դպրոցի տնօրեն
13. Իրա Հակոբյան – Խաչատուր Աբովյանի անվան թիվ 2 դպրոցի տնօրեն
14. Վահրամ Կիրակոսյան - «Երեւան Սիթի» սուպերմարկետների ցանցի տնօրեն:
Սպիտակ ցուցակ 2012-ում ընդգրկված են`
1. Լեւոն Խալիկյան - ՀՀ էկոնոմիկայի նախարարության Շուկայի վերահսկողության պետական տեսչության պետ
2. Անահիտ Վարդանյան – Լ. Շանթի անվան թիվ 4 դպրոցի տնօրեն
«Առաջին խնդիրը դեռեւս մնում է մարդկանց հարցումներն անպատասխան թողնելը: Երկրորդ խնդիրը ՏԱ օրենքով սահմանված ժամկետների խախտումն է: Երրորդ խնդիրը թերի եւ անհիմն պատասխանների տրամադրումն է: Կան կառույցներ, որոնք թեեւ չեն հայտնվել ԻԱԿ-ի եռամսյակային կամ տարեկան Սեւ ցուցակներում, սակայն լուրջ խնդիրներ ունեն տեղեկատվության ազատության ոլորտում: Նրանց ուղղված տեղեկություն ստանալու հարցումների պատասխանները հաճախ լինում են ուշացումներով, թերի կամ անհիմն»,- նշել է Ինֆորմացիայի ազատության կենտրոնի նախագահ Շուշան Դոյդոյանը` անդրադառնալով տեղեկատվության ազատության ոլորտում առկա խնդիրներին:
