Երեկ` հունվարի 15-ին Հայաստանի մշակույթի նախարարությունում կայացել է ՀԽՍՀ ժողովրդական արտիստ Վլադիմիր Աբաջյանի մահվան կապակցությամբ ՀՀ վարչապետի որոշմամբ ստեղծված թաղման կառավարական հանձնաժողովի նիստը:

Հանձնաժողովը հայտնում է, որ սիրված դերասանի քաղաքացիական հոգեհանգիստը տեղի կունենա հունվարի 16-ին, ժամը 18:00-ին՝ Երեւանի Սբ. Հովհաննես (Կոնդի) եկեղեցում,  վերջին հրաժեշտի արարողությունը՝ հունվարի 17-ին, ժամը 12:00-14:00՝ Գ. Սունդուկյանի անվան ազգային ակադեմիական թատրոնում, հուղարկավորությունը՝ նույն օրը, ժամը 14:00-ին՝ Երեւանի քաղաքային պանթեոնում: