Սլովակիայում ավտոմայրուղու վրա կառուցվող թունելում, այսօր՝ օգոստոսի 12-ին, պայթյուն է որոտացել, զոհվել է 1 մարդ, վիրավորվել՝  5-ը։ Վիրավորներից մեկը ծանր վիճակում է։

Այս մասին հաղորդել է Eurovia SK ընկերության ներկայացուցիչ Սիմոնա Տանչակովան, որի խոսքը մեջբերում է SITA տեղեկատվական գործակալությունը։ Նրա խոսքով՝ պայթյունը տեղի է ունեցել թունելի հարավային հատվածում։ Զոհվածը 39 տարեկան էր։ Բոլոր վիրավորներին հիվանդանոց են տեղափոխել։

Ինչպես հաղորդում է «ՌԻԱ Նովոստին», դեպքի վայրում աշխատում են ոստիկաններ, միջադեպի պատճառները հետաքննվում են։