նախընտրելի դարձնել
Երեւանցի երիտասարդը հեռանկար չի տեսնում, ինչն էլ ծնում է արտագաղթի չափերի ավելացման վտանգ: Այս մասին այսօր՝ դեկտեմբերի 10-ին հրավիրված ասուլիսին ասաց ՀՅԴ-ական Արմեն Ղազարյանը:
Նրա խոսքով, երիտասարդը այսօր բազմաթիվ սոցիալական խնդիրներ ունի: «Հատկապես պետք է առանձնացնեմ երիտասարդ ընտանիքներին բնակարանների ապահովման խնդիրը: Գիտենք, որ կառավարությունը զբաղվում է, բայց գնահատական չտանք, թե ինչպես են զբաղվում: Բայց Երեւանը որպես տեղական իշխանություն ընդհանրապես անդրադարձ չի կատարում բնակարանաշինությանը:Այնինչ համոզված ենք, որ կարող են ցանկության դեպքում այդ հարցը լուծել եւ առնվազն երկուսուսուկես տոկոսից բարձրացնել այն տասը տոկոսի»,- ասաց Արմեն Ղազարյանը:
Նա առանձնացրեց նաեւ ժամանցի վայրերի խնդիրը, ինչը իշխանություններին ըստ նրա կարծես, թե չի հուզում: «Երիտասարդները զբաղվածության խնդիր ունեն, եւ այս առումով շարունակում են քաղաքային իշխանությունները աչք փակել»,- նշեց Արմեն Ղազարյանը եւ ավելացրեց, որ Երեւանի զարգացման ծրագիրը ընդհանուր առմամբ մարդակենտրոն չէ:
