Հայաստանի բոլոր տարածաշրջաններում, դեկտեմբերի 12 – ին` ժամը 17:30 –ի դրությամբ, տեղում է առատ ձյուն:

ՀՀ տրանսպորտի եւ կապի նախարարության մամուլի ծառայությունից հայտնում են, որ դժվարանցանելի է Սելիմի ոլորանը, Իջեւան - Նոյեմբերյան (ծանրաքաշ մեքենաների համար),  Վայք - Սարավան, Վայք - Ջերմուկ ճանապարհահատվածները:

Եղանակային դժվարություններից խուսափելու համար վարորդներին խորհուրդ է տրվում Թթու ջուր - Նավուր ճանապարհից 17:00 - ից մինչեւ 7:00 առանց խիստ անհրաժեշտության չօգտվել:

Ավտոճանապարհներին իրականացվում են մշակման եւ մաքրման աշխատանքներ` անվտանգ երթեւեկությունն ապահովելու նպատակով:

Բացի վերը նշված ճանապարհահատվածներից Հանրապետության միջպետական եւ հանրապետական նշանակության ավտոճանապարհները բաց են: