նախընտրելի դարձնել
ԵԱՀԿ Մինսկի խմբի համանախագահ Ջեյմս Ուորլիքը հայտարարել է, որ Բեռնում կայացած հանդիպումից հետո ԵԱՀԿ-ում Շվեյցարիայի նախագահությունից առավել սերտ համագործակցություն է ակնկալում:
«Փորձառու դիվանագետները իրենց հմտությունները կկիրառեն մեր ընդհանուր օրակարգում», - գրել է նա Twitter-ի իր միկրոբլոգում:
Հիշեցնենք, ԵԱՀԿ գործող նախագահ, Շվեյցարիայի ԱԳ նախարար Դիդիե Բուրկհալտերը Բեռնում Մինսկի խմբի համանախագահների հետ հանդիպել էր հունվարի 14-ին:
Հանդիպման ընթացքում քննարկվել է Շվեյցարիայի նախագահության եւ Մինսկի խմբի միջեւ համագործակցությունը: Դիդիե Բուրկհալտերը երախտագիտություն է հայտնել ղարաբաղյան հակամարտության կարգավորման գործում նրանց միջնորդական ջանքերի համար:
