ՌԴ Առողջապահության նախարարությունը քննարկում է ծխախոտի տուփերի վրա ծխախոտի հետեւանքների մասին սարսափազդու լուսանկարների փոխարեն դրական գրառումներ տեղադրելու  նախաձեռնությունը։ Այս մասին գրում է M24.ru-ն։

Համապատասխան առաջարկն արդեն 5 հազարից ավել ձայն է հավաքել «Ռուսական հասարակական նախաձեռնության» կայքում։ «Շատերը պարզապես շրջում են տուփը այդ սարսափելի նկարները չտեսնելու  համար։ Ավելի արդյունավետ կլիներ, եթե ծխախոտի տուփերի վրա առողջ ապրելակերպ քարոզող նկարներ տեղադրված լինեին»,- ասված է նախաձեռնության նկարագրության մեջ։

Առողջապահության նախարարի օգնականը հայտարարել է, որ գերատեսչությունը չի բացառում այդ որոշման քննարկումը։