նախընտրելի դարձնելԻնքնահրկիզումը ամերիկացի եւ բրիտանացի անչափահասների շրջանում նոր միտում է դարձել, տեղեկացնում է The Sun-ը: Նման զվարճանքը անչափահասների շրջանում արդեն առաջին վնասվածքների պատճառ է դարձել:
Տուժածներից մեկը` Օլիվեր Շարփը, շատ լուրջ այրվածքներ է ստացել: Դեկտեմբերի 12-ին տղան ցանկացել է այրել իր շապիկը եւ դա նկարահանել տեսախցիկով, դրա համար նա առանձնացել է լոգասենյակում: Արդյունքում Լինքոլնշիրի կոմսությունից 11-ամյա դպրոցականը լուրջ այրվածքներ է ստացել եւ թիկունքի մաշկի փոխպատվաստման կարիք ունի:
«Նա երբեք խնդրահարույց երեխա չի եղել: Օլիվերը խելացի տղա է, իսկ ես կարծում էի, որ նրա բանականությունը կհերիքի նման բան չանելու համար», — պատմել է Սառան` Օլիվեր Շարփի մայրը:
Այժմ նոր միտման շրջանակում Facebook սոցցանցի էջերում եւ YouTube-ի վիդեոհոսթինգում ավելի քան հազար տեսանյութ է ներբեռնվել, որոնց վրա անչափահասներն «այրվում են»:
Անցյալ տարի 15-ամյա ամերիկացի անչափահասն այրվել էր` չկարողանալով մարել մարմնի վրա բռնկված կրակը:
