Նախընտրելի
Բանգլադեշից ուսանող իրավաբան Նազիմուդդին Սամադը սպանվել է երկրի մայրաքաղաք Դաքքայում, երբ պատմել է իր աթեիստական հայացքների մասին:
Խաչմերուկում երիտասարդին դաշույնով սպանել են, իսկ հետո գնդակահարել, հայտնում է ոստիկանությունը:
28-ամյա Սամադը հանուն աշխարհիկության հանդես եկող խմբի հիմնադիրներից մեկն էր:
Առայժմ ոստիկանությունը չի հայտնել ոչ կասկածյալների անունները, ոչ էլ հանցագործության դրդապատճառները, հաղոդում է BBC-ի ռուսական ծառայությունը:
Հայտնի է, որ Սամադը Facebook-ի իր էջում պարբերաբար հանդես է եկել կրոնական ծայրահեղականության դեմ: Սոցցանցի «կրոնական հայացքներ» տողում նա նշել է. «Ես կրոն չունեմ»:
Անցյալ տարի երկրում դաշույնով սպանվել էր չորս աշխարհիկ բլոգեր, որոնցից մեկի վրա հարձակվել էին իր տանը:
Նրանք բոլորն էլ, այսպես կոչված, «աթեիստ բլոգերների» 84 անունից բաղկացած ցուցակում էին ընդգրկված, որը կազմել էին իսլամիստական խմբավորումները 2013 թվականին:
Պաշտոնապես Բանգլադեշը աշխարհիկ պետություն է, սակայն քննադատները նշում են, որ իշխանությունները նման հանցագործությունների կանխարգելման համար անհրաժեշտ միջոցներ ձեռք չեն առնում:
