նախընտրելի դարձնելՎիետնամի իշխանությունները մինչեւ 2016-ի տարեվերջ համաներմամբ ազատ կարձակեն 4.2 հազար դատապարտյալների: Այս մասին հայտնում է VNA գործակալությունը:
Համաներման ենթակա անձանց ճշտված ցուցակները այս շաբաթ կներկայացվեն երկրի նախագահի հաստատմանը, գործակալությանը հայտնել են Վիետնամի հասարակական անվտանգության նախարարությունից, որի ենթակայությամբ է գործում քրեական պատիժների իրագործման դեպարտամենտը:
Համաներումը կտարածվի հիմնականում այն անձանց վրա, որոնք պատժի կեսը կրել են կամ ցմահ ազատազրկման դեպքում, երբ այն փոխարինվել է երկարաժամկետ ազատազրկմամբ, այն անձանց վրա, որոնք պատիժ են կրել 15 տարուց ոչ պակաս, ինչպես նաեւ անչափահասների եւ 70 տարեկանից մեծ անձանց վրա:
2015 թվականին Վիետնամում համաներմամբ ազատ է արձակվել 18 հազար դատապարտյալ: Նման մեծ թվի պատճառով 2016 թվականին ավելի փոքր թվով դատապարտյալներ կազատվեն:
Միջազգային իրավապաշտպան կազմակերպությունների տվյալներով՝ Վիետնամի բանտերում ընդհանուր առմամբ ավելի քան 136 հազար դատապարտյալ կա: Բանտարկյալների թվով Վիետնամը աշխարհի երկրների ցանկի միջակայքում է, այն գլխավորում է ԱՄՆ-ը:
