Այսօր՝ դեկտեմբերի 23-ի առավոտյան, ժամը 09.38-ին վերսկսվել են հոկտեմբերի 31-ին Սևանա լճում կորած Ա. Կ.-ի որոնողական աշխատանքները։ Այս մասին NEWS.am-ը տեղեկանում է Հայաստանի ԱԻՆ-ից:

Հիշեցնենք, որ ս. թ. հոկտեմբերի 31-ին, ժամը 14.33-ին ԱԻՆ ահազանգ էր ստացվել, որ Գեղարքունիքի մարզի Նորատուս գյուղի մոտակա լճափից երկու քաղաքացի նավակով դուրս էին եկել Սևանա լիճ ձկնորսության և չէին վերադարձել։

Դեպքի վայր էին մեկնել մարզային ճգնաժամային կառավարման կենտրոնի օպերատիվ խումբը և հատուկ ջրափրկարարական ջոկատը:

Պարզվել էր, որ կորել են Նորատուս գյուղի բնակիչներ Ա. Ա.-ը և Ա. Կ.-ը։

Ութօրյա որոնողական աշխատանքների արդյունքում՝ նոյեմբերի 9-ին, ժամը 16.03-ին ջրափրկարարներն ափից մոտ 13 կմ հեռավորությունից հայտնաբերել էին 1992 թ. ծնված Ա. Ա.-ի դին, իսկ Ա.Կ.-ն առ այսօր չի հայտնաբերվել։