«Սիլ Ինշուրանսը» ապահովագրական ընկերություններից առաջինը Հայաստանում ստացավ ISO 27001 որակի հավատարմագրում: Այն երաշխավորում է ընկերության տեղեկատվական համակարգերի անխափան աշխատանքը:

Ընկերությունը ստացավ նաեւ ISO 9001 որակի կառավարման հավատարմագրում:

Մինչև դեկտեմբերի 30-ը ստացեք գրավով ապահովված սպառողական վարկեր 18-19% տարեկան տոկոսադրույքով:

Իչպես նշեց «Սիլ Ինշուրանսի» գործադիր տնօրեն Արսեն Հակոբյանը, ISO միջազգային հավատարմագրում թույլ է տվել ոչ միայն շտկել հնարավոր բացթողումները, այլեւ բացառել դրանց հետագա կրկնությունը:

Իր աշխատանքի 16 տարիներում «Սիլ Ինշուրանսը»  ցուցաբերել է անընդհատ աճի միտումներ եւ շարունակում  է վստահորեն պահպանել իր դիրքն ապահովագրական շուկայում: Ընկերության ակտիվներն աճել են 100 անգամ եւ 2016-ին կազմել 3 մլրդ 950 մլն դրամ; սեփական կապիտալն  աճել է 57 անգամ՝ կազմելով 1 մլրդ 776 մլն դրամ: 2016-ի տվյալներով ընկերության հավաքագրված ապահովագրավճարները հասել են 3 մլրդ 903 մլն դրամի, իսկ հատուցումները՝ 2 մլրդ 11 մլն դրամի:

Հաջողության անբաժանելի մասն է սոցիալական պատասխանատվությունը: Այս գիտակցությամբ «Սիլ Ինշուրանսը» աջակցեց «Հայ Մայրեր» բարեգործական հիմնադրամի աճուրդին: Աճուրդից ողջ հասույթը կուղղվի ուղեղի կաթվածով հիվանդ երեխաների համար նախատեսված «Երազի տուն» վերականգնողական կենտրոնին:

Հիմնադրամի նախագահ Նարինե Մանուկյանը կարեւորեց աջակցության մշակույթի ձևավորումը:

«Մենք համարում ենք, որ խղճահարությունը օգնության ամենաճիշտ շարժառիթը չէ: Ճիշտը գիտակցելն է, որ բոլորս մի հասարակությունում ենք ապրում ու պիտի բարեսիրտ լինենք իրար հանդեպ: Մեր այս գործընկերության մեջ այդ գիտակցումն ակհայտ է», - ընդգծեց նա:

«Աճուրում ներկայացված են հայ մայրերի ձեռագործ աշխատանքները, ինչպես նաեւ մեր գործընկերների տրամադրած նմուշները», - հավելեց Մանուկյանը:

Իր կողմից, հիմնաադրամին աջակցություն տրամադրեց նաեւ «Սիլ Ինշուրանսը»:

Խոսելով ընկերության անվտանգության մասին, «Սիլ Ինշուրանսի» խորհրդատու, «Սիգնում» ընկերության հիմնադիր-տնօրեն Նիկա Մանուկովան նշեց, որ ներդրված համակարգը թույլ է տալիս վերացնել չարդարացված կորուստները, ինչը բարձրացնում է ընկերության վստահելիությունը: