նախընտրելի դարձնելՀայաստանի ԱԻՆ-ում, այսօր՝ մարտի 16-ին, ժամը 01:18-ին տեղեկություն է ստացվել, որ Մարտունի-Վարդաձոր ավտոճանապարհին տեղի է ունեցել ավտովթար. կան տուժածներ. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Մ-10 ավտոճանապարհի 53-րդ կմ-ին «BMW 735» մակնիշի 09xx090 համարանիշի ավտոմեքենան (վարորդ՝ 37-ամյա Ա. Գ.) դուրս է եկել ավտոճանապարհի երթեւեկելի հատվածից եւ կողաշրջվել:
Մինչ փրկարարների կանչի վայր հասնելը՝ վարորդը տեղի ուժերով տեղափոխվել է Ձորագյուղի բուժամբուլատորիա, այնուհետեւ հոսպիտալացվել է Մարտունու ԲԿ, որտեղ բժիշկները նրա առողջական վիճակը գնահատել են միջին ծանրության:
Փրկարարները հոսանքազրկել եւ ուղղել են ավտոմեքենան:
