նախընտրելի դարձնելԵՄ-ն ակնկալում է ԱՄՆ կողմից պողպատի եւ ալյումինի ներկրման մաքսատուրքերի լիովին վերացում, Վաշինգթոնի հայտարարած մինչեւ հունիսի 1 հետաձգումը շուկաներում միայն անորոշություն է մտցնում: Այս մասին նշված է երեքշաբթի տարածված Եվրահանձնաժողովի հայտարարության մեջ, փոխանցում է ՏԱՍՍ-ը:
«ԵՄ-ն պնդում է մաքսատուրքերի ամբողջական վերացում: ԱՄՆ որոշումը սոսկ երկարաձգում է շուկայական անորոշությունը, որն արդեն վերաբերում է բիզնեսի որոշումների ընդունմանը»,- նշված է հայտարարության մեջ: Եվրախորհրդարանի ղեկավար Անտոնիո Տայանին իր հերթին Twitter-ում նշել է, որ ԵՄ-ն ակնկալում է մաքսատուրքերի «ընդմիշտ» վերացում:
Գերմանիան նույնպես հույս ունի, որ ԵՄ-ն կազատվի ԱՄՆ մաքսատուրքերից:
We expect President Trump to exclude EU from tariffs once and for all. Any other decision would damage both sides, leaving us no other option but to adopt rebalancing measures. Europe is not the problem. We are US's natural ally in promoting rules-based, open trade.
— Antonio Tajani (@EP_President) 30 апреля 2018 г.
«Կառավարությունն ի գիտություն է ընդունել ԱՄՆ որոշումը ԵՄ-ին եւս մեկ ամսով պողպատի եւ ալյումինի ներմուծման ամերիկյան մաքսատուրքերից ազատելու մասին: Ընդհանրապես դաշնային կառավարությունը, ինչպես եւ նախկինում, երկարաժամկետ բացառում է ակնկալում: ԵՄ անդամ երկրները հիմա կքննարկեն հետագա գործողությունները»,- նշված է Գերմանիայի կառավարության հաղորդագրության մեջ:
«Անդրատլանտյան տնտեսական համագործակցությունը երկու կողմերի համար էլ մեծ նշանակություն ունի: Ո՛չ ԵՄ-ն, ո՛չ ԱՄՆ-ն չեն կարող շահագրգռված լինել առեւտրային հարաբերությունների էսկալացիայով: Հակառակը՝ թե՛ ԵՄ-ն, թե՛ ԱՄՆ-ն դրանց խորացումից կշահեն»,- նշել են Գերմանիայի կառավարությունից:
Ավելի վաղ Գերմանիայի կանցլեր Անգելա Մերկելը բազմիցս ընդգծել է, որ Բեռլինը հանդես է գալիս ընդդեմ ցանկացած տեսակի առեւտրային սահմանափակման:
ԱՄՆ-ն մեկ ամսով երկրաձգել է մետաղների ներկրման մաքսատուրքերի սահմանումը
