Հայաստանի ԱԻՆ-ում, հունիսի 6-ին, ժամը 19:52-ին «911» ծառայությանը տեղեկատվություն է ստացվել, որ Վայոց ձորի մարզի Չիվա գյուղի «Հեշին» կոչվող տարածքում տեղի է ունեցել ավտովթար, կան տուժածներ, անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ մարզային ճգնաժամային կառավարման կենտրոնի օպերատիվ խումբը:

Պարզվել է, որ «УАЗ» մակնիշի ավտոմեքենան (վարորդ՝ Մ. Ա., ծնված 1966թ.) դուրս է եկել ավտոճանապարհի երթեւեկելի գոտուց եւ մոտ 40մ սահելով՝ բախվել ճամփեզրին:

Մինչ փրկարարների կանչի վայր հասնելը՝ վարորդը հոսպիտալացվել է Եղեգնաձորի բժշկական կենտրոն, իսկ ուղեւոր՝ Վ. Դ.-ին (ծնված 1962թ.) փրկարարները մոտեցրել են շտապօգնության ավտոմեքենային, ով նույնպես հոսպիտալացվել է Եղեգնաձորի ԲԿ: Բժիշկները տուժածների առողջական վիճակը գնահատել են բավարար:

Փրկարարները հոսանքազրկել են ավտոմեքենան եւ փակել գազի բալոնի փականը: