նախընտրելի դարձնել
2018 թվականին 9 չվերթների հետաձգման պատճառով ռուսական ավիափոխադրող «Աերոֆլոտ»-ին պարտավորեցրել են 120 հազար ռուբլի տուգանք վճարել: Այս մասին հաղորդում է «Ինտերֆաքս»-ը՝ հղում անելով Մոսկվայի միջտարածաշրջանային տրանսպորտային դատախազությանը:
«2018 թվականի մարտից մինչեւ ապրիլ «Աերոֆլոտ-ռուսական ավիաուղիներ» ԲԲԸ-ն ավելի քան 5 ժամով 9 թռիչք է հետաձգել: Ընդ որում ուղեւորներին չեն տրամադրվել պահուստային ինքնաթիռներ», - ասել են գերատեսչությունում:
Այս փաստի առթիվ Մոսկվայի միջտարածաշրջանային տրանսպորտային դատախազությանը վարչական իրավախախտումների օրենսգրքի 14.1.2 հոդվածով (լիցենզիայով նախատեսված պայմանների խախտմամբ տրանսպորտի ոլորտում ձեռնարկատիրական գործունեություն իրականացում) ավիաընկերության դեմ երկու վարչական գործ է հարուցել:
«Ռոսավիացիայի» տվյալներով մայիսին«Աերոֆլոտը» 148 չվերթ է հետաձգել, սակայն իրականացված չվերթների ընդհանուր քանակում (22,636) հետաձգվածների մասնաբաժինը կազմել է ընդամենը 0.65 տոկոս:
