նախընտրելի դարձնելԻրաքում Կանադայի առաքելության հրամանատար գեներալ Քոլին Քիվերն ասել է, որ Օտտավան կարող է երկարաձգել երկրում ռազմական կոնտինգենտի ներկայության մանդատը: Զինծառայողի հայտարարությունը հաղորդում է ՏԱՍՍ-ը՝ վկայակոչելով The Canadian Press գործակալությանը:
Գեներալի խոսքով Իրաքի կառավարությունը «Իսլամական պետություն» ահաբեկչական խմբավորման ոչնչացումից հետո էլ անվտանգության ապահովման հարցում ապավինելու է Կանադային եւ միջազգային այլ գործընկերներին:
«Նրանք խոստովանում են, որ անվտանգության ապահովման եւ Իրաքի կայունացման եւ բարգավաճման հարցում մշտական օգնության կարիք ունեն», - ասել է Քիվերը:
Գեներալը նշել է, որ ներկայիս կանադական առաքելությունը Իրաքում երկարաձգելու առաջարկը, որը նախատեսված է մինչեւ 2019 թվականի մարտ, կարող է Կանադայի պաշտպանության նախարարությունից ուղղվել վարչապետ Ջասթին Թրյուդոյին:
