նախընտրելի դարձնելՀարց է ծագում, թե ինչով է պայմանավորված այս հարցով շտապողականությունը: Այս մասին Ազգային ժողովի արտահերթ նիստում՝ հոկտեմբերի 5-ին «Հայաստանի Հանրապետության տոների եւ հիշատակի օրերի մասին» օրենքում լրացում կատարելու մասին» քննարկման ժամանակ ասաց Հայաստանի Հանրապետական կուսակցությունից պատգամավոր Հայկ Բաբուխանյանը
Նշենք, որ իր ելույթում փոխարտգործնախարար Ռուբեն Ռուբինյանը հայտարարեց, որ Հայաստանի կառավարությունը առաջարկում է այս հարցի քննարկումն արագորեն երկրորդ ընթերցմամբ անցկացնել:
Միեւնույն ժամանակ, Բաբուխանյանը շեշտեց, որ Երեւանում Ֆրանկոֆոնիայի միջազգային գագաթաժողովի անցկացումը հայտնի էր դեռ անցյալ տարվա նոյեմբերից: «Ես չեմ հասկանում այս հարցում շտապողականությունը:
Դուք ի՞նչ է, նոր իմացաք, որ մեզ մոտ պետք է Ֆրանկոֆոնիայի գագաթաժողով լինի, թե ուրիշ պատճառներ կան», - հարցրեց պատգամավորը:
Ի պատասխան, Ռուբեն Ռուբինյանը բացատրեց, որ իրենք, իհարկե, գիտեին այդ մասին, բայց Ֆրանկոֆոնիայի միջազգային գագաթաժողովի ժամանակ աշխատանքային օրերի տեղափոխման գաղափարը վերջերս է առաջացել, եւ այդ պատճառով օրինագիծը Ազգային ժողովի քննարկմանը ներկայացվել է միայն այսօր:
Օրինագծի ընդունումը կապված է նրա հետ, որ Ֆրանկոֆոնիայի միջազգային գագաթաժողովի օրերը, որոնք տեղի կունենան Երեւանում, նախատեսվում է հանգստյան դարձնել: Եվ քանի որ դրանք տոն կամ հիշարժան օրեր չեն, կառավարությունը չէր կարող ինքնուրույն տեղափոխել աշխատանքային օրերը:
