Նախագահ Միլո Ջուկանովիչի Սոցիալիստների դեմոկրատական կուսակցությունը (ՍԴԿ) ընդունել է անցած խորհրդարանական ընտրություններում կրած պարտությունը, հայտնում է ՌԻԱ Նովոստին:

Լույս շաբաթ գիշերը տեղի է ունեցել կուսակցության ղեկավարության համագումարը, որը նվիրված է եղել օգոստոսի 30-ին կայացած քվեարկության արդյունքներին:

Նիստի արդյունքներով հայտարարության մեջ կուսակցությունն անվանել են «համոզիչ ամենաուժեղ» քաղաքական ուժը՝ չնայած ընտրությունների արդյունքին:

«Միաժամանակ, ելնելով հանգամանքներից, որոնց պատճառով մենք չենք կարող խորհրդարանական մեծամասնություն ձեւավորել, ինչպես նաեւ նոր կառավարություն՝ ներկայիս կոալիցիոն գործընկերներով, ընտրությունների արդյունքը ձախողում է (պարտություն)»,- եզրափակել է ՍԴԿ-ն:

ՍԴԿ-ի երկարամյա կոալիցիոն գործընկեր, խորհրդարանի նախկին նախագահ, Սոցիալ-դեմոկրատական կուսակցության առաջնորդ Ռանկո Կրիվոկապիչը երեկ ասել է, որ ինքը ընդդիմություն է, եւ որ Ջուկանովիչը չի կարող հույսը դնել իրենց երկու մանդատի վրա: Այսպիսով, Չեռնոգորիայի խորհրդարանում նախագահական կուսակցությանը մնացել է 38 պատգամավոր՝ ընդհանուր 81-ից:

Կիրակի օրը երկրում անցկացվել են խորհրդարանական ընտրություններ, որոնց նախնական արդյունքների համաձայն՝ ընդդիմության տվյալները գերազանցել է ՍԴԿ-ի եւ նրա կոալիցիոն գործընկերների տվյալներին:

Ավելի քան երեսուն տարի կուսակցությունը իշխող էր Չեռնոգորիայում: