նախընտրելի դարձնել
Իրանի նախագահը հայտարարել է կորոնավիրուսի համավարակի հետագա տարածումը կանխելու համար Թեհրանում միջոցառումների խստացման մասին, հաղորդում է Press TV-ն:
Կորոնավիրուսի դեմ պայքարի ազգային աշխատանքային խմբի հետ հանդիպման ժամանակ Իրանի նախագահը նշել է, որ առողջապահության նոր կանոնները խախտելու դեպքում քաղաքացիներն ու հաստատությունները կպատժվեն:
Ըստ նրա, այն ձեռնարկությունները, որոնք չեն ենթարկվի կորոնավիրուսի դեմ պայքարի նոր միջոցառումներին, կփակվեն:
Իրանի նախագահը նշել է նաեւ, որ այն անձինք, ովքեր կխախտեն ներդրված կանոնները, կզրկվեն բանկերի եւ խանութների ծառայություններից, հակառակ դեպքում այդ հաստատությունների ղեկավարները կպատժվեն:
Հասան Ռոհանին հատուկ նշել է հիգիենայի կանոնների պահպանումը:
Երկրի նախագահը նշել է, որ տարբեր մարզերում իրավիճակը տարբեր է՝ որոշներում կորոնավիրուսի միայն մեկ ալիք է եղել, մյուսներում՝ երկու կամ նույնիսկ երեք ալիք:
ՏԱՍՍ գործակալությունը, հղում անելով Fars- ին, հայտնում է, որ Թեհրանի իշխանությունները որոշել են մեկ շաբաթով մի շարք սահմանափակումներ մտցնել՝ կապված կորոնավիրուսի տարածման երրորդ ալիքի հետ:
Կարգելվի համալսարանների դպրոցների, մզկիթների, կինոթատրոնների եւ թատրոնների, թանգարանների, վարսավիրանոցների, սպորտային ակումբների, ռեստորանների եւ սրճարանների, լողավազանների աշխատանքը: Սահմանափակումները կգործեն հոկտեմբերի 3- 9-ը:
